स्थानीय सञ्चारमाध्यमलाई समानुपातिक ढंगले विज्ञापन उपलब्ध गराउन माग

विराटनगर । नेपाल पत्रकार महासंघ कोसीले सरकारले उपलब्ध गराउने विज्ञापन स्थानीय सञ्चारमाध्यमलाई समानुपातिक ढंगले उपलब्ध गराउन माग गरेको छ ।

नेपाल पत्रकार महासंघ कोसीको आयोजनामा मुख्यमन्त्री तथा मन्त्रिपरिषद्को कार्यालय अगाडि धर्ना दिँदै सरकारको ध्यानाकर्षण गराइएको हो ।

पत्रकारले संघीय सरकारले परिपत्र गरी सरकारी विज्ञापन प्रकासन र प्रसारणमा रोक लगाउँदा त्यसले स्वरोजगारमुलक सञ्चार संस्था धरासायी बनेको बताएका छन् ।

नेपाल पत्रकार महासंघका वरिष्ठ उपाध्यक्ष दीपक आचार्यले सरकारको निर्णय गलत भएको भन्दै सच्याउन माग गरे ।

महासंघ कोसीका अध्यक्ष भरत खड्काले प्रदेशको विज्ञापन प्रदेशकै मिडियालाई दिन माग गरे । “प्रदेश सञ्चार प्रतिष्ठान यथासक्य चाँडो गठन गरी सञ्चारमाध्यम र पत्रकारका समस्या समाधान गर्न माग गर्दछौँ,” उनले भने ।

अध्यक्ष खड्काले मुख्यमन्त्री हिक्मतकुमार कार्कीलाई ज्ञापनपत्र बुझाएर आमसञ्चार माध्यम र पत्रकारका समस्या समाधानमा पहल गर्न माग गरे । मुख्यमन्त्री कार्कीले पत्रकारका समस्याका विषयमा प्रदेश सरकार गम्भीर रहेको बताए ।

#विज्ञापन

#स्थानीय सञ्चारमाध्यम