र्मालाई सिफारिस स्वागतयोग्य, अब असन्तुष्ट न्यायाधीशको पनि व्यवस्थापन गर

संवैधानिक परिषद्ले डा. मनोजकुमार शर्मालाई प्रधानन्यायाधीशमा सिफारिस गरेपछि सर्वोच्च अदालतभित्रको वातावरण सकसपूर्ण बनेको छ । खासगरी प्रधानन्यायाधीशको रोलक्रममा अगाडि रहेका न्यायाधीश सपना प्रधान मल्ल, कुमार रेग्मी र हरिप्रसाद फुयाललाई उछिनेर चौथो वरीयतामा रहेका शर्मालाई सिफारिस गरेपछि सर्वोच्चका न्यायाधीशहरूबीच असमञ्जस, असन्तुष्टि र विभाजनको भावना सतहमा आएको हो ।

बिहीबार अदालत पुगेपछि शर्माले नियमित कामकारबाही अगाडि बढोस् भन्ने उद्देश्यले गोला तान्ने प्रक्रिया अघि बढाउन सबै न्यायाधीशलाई आग्रह गरेका थिए । किनभने कार्यालय समय सुरु भइसकेपछि न्यायाधीशहरु न्याय सम्पादनमा लाग्नुभन्दा गलफत्तीमा व्यस्त हुन थालेका थिए । तर कायममुकायम प्रधानन्यायाधीश सपना प्रधान मल्लले झर्किँदै प्रतिप्रश्न गरिन्, “कामु प्रधानन्यायाधीश तिमी कि म ?”