अस्पष्ट सिग्नल, मौसम पूर्वानुमान गर्नै गाह्रो

काठमाडौं : प्रायःजसो हिउँदे वर्षाको आकलन एकदमै मिल्ने गथ्र्यो। सजिलोसँग पूर्वानुमान गर्न सकिने र सिस्टमहरू स्पष्ट देखिने हुन्थे। तर, यो वर्ष पूर्वानुमान मोडेलका ‘क्लियर सिग्नल’ छैनन्।

त्रिभुवन विश्वविद्यालय जल तथा मौसम विज्ञान केन्द्रीय विभागका सहप्राध्यापक विनोद पोखरेल भन्छन् ‘विगतमा हिउँदे वर्षा अनुमान गर्न सबैभन्दा सजिलो हुन्थ्यो। तर, यो वर्षदेखि पूर्वानुमान नमिल्ने नयाँ ट्रेन्ड सुरु भए जस्तो देखिन्छ।’ पोखरेलले थपे, सिजनल पूर्वानुमान पनि मिलेन। दुई/तीनवटा मौसम पूर्वानुमान मोडेलको अवलोकन गर्दा पनि ठ्याक्कै आकलन गर्न गाह्रो परेको उनले बताए।