सेनिटरी प्याडमाथिको कर हटाउँदै पाकिस्तान

इस्लामवाद । पाकिस्तान सरकारले सेनिटरी प्याड तथा महिनावारीमा प्रयोग हुने अन्य सामग्रीमाथि लाग्दै आएको १८ प्रतिशत बिक्री कर हटाउने घोषणा गरेको छ । प्रजनन स्वास्थ्य र महिला अधिकारका पक्षधरहरूले यस निर्णयलाई महिनावारी सम्बन्धी सामाजिक कलङ्क हटाउने दिशामा महत्त्वपूर्ण कदमको रूपमा स्वागत गरेका छन् ।

गत साता सार्वजनिक गरिएको नयाँ आर्थिक वर्षको बजेटमार्फत सरकारले सेनिटरी सामग्री र गर्भनिरोधक साधनमाथिको १८ प्रतिशत कर हटाउने योजना घोषणा गरेको हो ।