विश्वकप हेर्न ९९९ रुपैयाँ तिर्नु ‘लुट’ हो, सरकारले नि:शुल्क हेर्ने वातावरण बनाउनुपर्छ : सांसद महर

नेकपा एमालेका सांसद ऐन महरले हाल अमेरिका, मेक्सिको र क्यानडामा भइरहेको २३औँ संस्करणको फिफा विश्वकप फुटबल नेपालमा नि:शुल्क हेर्ने वातावरण मिलाउन माग गरेका छन्।

नेपालमा विश्वकप हेर्नका लागि ९९९ रुपैयाँ तिर्नुपर्ने व्यवस्था गरिएको प्रति आपत्ति जनाउँदै उनले यसलाई ‘सरासर लुट’ को संज्ञा दिए।