इस्लामिक विद्रोहीहरु होम्स शहर छिर्नासाथ आफ्ना नागरिकलाई सिरिया छोड्न रुसको उर्दी

काठमाडौं । इस्लामिक विद्रोही समूह होम्स शहर छिरेसँगै रुसले आफ्ना नागरिकलाई सिरिया छोड्न आग्रह गरेको छ । इस्लामिक अतिवादी समूहले सिरियाको तेस्रो सबैभन्दा ठूलो शहर होम्समा कब्जा जमाउन लागेको खबर सनसनीपूर्ण ढंंगले फैलिएसँगै रुसले त्यहाँबाट आफ्ना नागरिकलाई देश छोड्न भनेको हो ।

विद्रोही समूले बिहीबार मात्रै उत्तरको हमा शहर कब्जागरेका थिए । जुन सिरियाली राष्ट्रपति बशर अल असदका लागि दोस्रो झट्का थियो । गएको हप्ता मात्रै इस्लामिक विद्रोहीले अलेप्पोमाथि कब्जा जमाएका थिए ।