६० हजार नेपाली घरेलु श्रमिक श्रम स्वीकृतिबिना कुवेतमा

काठमाडौं । युवा, श्रम तथा रोजगारमन्त्री रामजी यादवले ६० हजार नेपाली घरेलु श्रमिक श्रम स्वीकृतिबिना कुवेतमा काम गरिरहेको जनाएका छन् ।

मन्त्रालयगत बजेटको छलफलको जवाफ दिने क्रममा बुधबार प्रतिनिधिसभाको बैठकमा उनले उक्त जानकारी दिएका हुन् ।

“कुवेतमै मात्र करिब ६० हजार घरेलु श्रमिक श्रम स्वीकृतिबिना कार्यरत रहेको अवस्था छ,” श्रममन्त्री यादवले भने, “उहाँहरूलाई कुनै अप्ठ्यारो पर्दा सहयोग गर्न कठिन हुन्छ, किनभने बोर्डमार्फत प्रदान गरिने सेवा–सुविधाका लागि श्रम स्वीकृति अनिवार्य हुन्छ ।”

यस्ता समस्याहरू मानवीयताको आधारमा सकेसम्म समाधान गरिएको उनले सुनाए । घरेलुले श्रमिकको विषयमा अहिले आफूहरू ‘पोलिसी ट्रयाप’मा फसेको उनले बताए ।

“संसदीय समितिको निर्देशनअनुसार सातवटा क्राइटेरिया राखेर यो क्षेत्रमा श्रम स्वीकृति दिइएको छैन । यथार्थ के हो भने, श्रम स्वीकृति नदिइए पनि इरेगुलर बाटो हुँदै घरेलु कामका लागि मानिसहरू विदेश गइरहेका छन्,” मन्त्री यादवले भने ।

#नेपाली

#श्रम स्वीकृति

#रामजी यादव

#घरेलु श्रमिक

#मन्त्रालयगत