जीतपुर सिमरामा हावाहुरीले ४५ घरमा क्षति (तस्बिरहरू)

बारा । शनिबार राती आएको हावाहुरीले जीतपुरसिमरा उपमहानगरका ४५ घरमा क्षति पुर्‍याएको छ । जीतपुरसिमरा उपमहानगरपालिकाका नगर प्रमुख राजन पौडेल, उपप्रमुख भोला अधिकारीसहित उपमहानगरको नगर प्रहरीको टोलीले आइतबार स्थलगत अवलोकन गरी ४५ घरमा पूर्ण तथा अन्य केही घरमा आंशिक क्षति पुगेको जानकारी दिएको हो ।

अमलेखगञ्ज–चकरी खण्डमा हावाहुरीले रुख ढलेपछि आवागमन बन्द भएको थियो । आइतबार उपमहानगरको नगर प्रहरीले रुख पन्छाएर बाटो खोलेको उपमहानगरले जनाएको छ ।