एसी मिलानलाई हराउँदै एटलान्टा शीर्षस्थानमा

काठमाडौं । इटालियन सिरी’एमा एसी मिलानलाई हराउँदै एटलान्टा शीर्ष स्थानमा उक्लिएको छ । घरेलु मैदानमा शुक्रबार राती भएको खेलमा एटलान्टाले पाहुना टोली एसी मिलानलाई २–१ गोल अन्तरले हरायो ।

एटलान्टालाई जिताउन एडेमोला लुकम्यान र चाल्र्स क्याटेलियरले गोल गरे । पाहुना टोलीको तर्फबाट अग्रपंक्तिका अल्भारो मोराटाले एक गोल फर्काए । यो जितसँगै एटलान्टा केही समयका लागि शीर्ष स्थानमा उक्लिएको छ ।