ढोरबाराहीको धार्मिक एवं सांस्कृतिक महत्वलाई उजागर गर्नुपर्छ : संस्कृतिमन्त्री पाण्डे

गण्डकी । संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले तनहुँको प्रसिद्ध धार्मिक तीर्थस्थल ढोरबाराही मन्दिरको धार्मिक एवं सांस्कृतिक महत्वलाई उजागर गर्नुपर्ने बताएका छन् ।

शुक्लागण्डकी नगरपालिकाको आयोजना एवं ढोरेली सेवा समाज काठमाडौँको समन्वयमा शुक्रबार मन्दिर क्षेत्रमा सम्पन्न ‘ढोरबाराही मन्दिरको ऐतिहासिक तथा धार्मिक महत्व’ विषयक अन्तरक्रिया कार्यक्रममा उनले यो आफैँमा विशिष्ट महत्वको धार्मिकस्थल भएकाले यसको प्रचारप्रसार र प्रवर्द्धन गर्नु आवश्यक रहेको बताए ।