जुवाखालबाट १० जना समातिए

कैलालीमा जुवाखालबाट १० जना समातिएका छन्। हिजो (शुक्रबार) जिल्लाको जानकी गाउपालिका वडा नं २ बढरियास्थित धन बहादुर थारुको घरबाट उनीहरू समातिएका हुन्।

उनीहरूलाई जुवातास खेलिरहेका भन्ने सूचनाको आधारमा ३ जोर ताससहित नगद रु. २१ हजार ७०५ रुपैयाँसहित समातिएको हो। जिल्ला प्रहरी कार्यालय कैलालीका प्रमुख एसपी पदमबहादुर बिष्टले घरधनीसहित उनीहरूलाई नियन्त्रणमा लिएर थप अनुसन्धान थालिएको जानकारी दिए।