९ विषयमा काँग्रेसले गरायो सरकारको ध्यानाकर्षण

काठमाडौँ । नेपाली काँग्रेसले ९ विषयमा सरकारको ध्यानाकर्षण गराएको छ । एक साता बसेको कांग्रेस केन्द्रीय समिति बैठकको निर्णयमा ९ विषयमा सरकारको ध्यानाकर्षण गराइएको उल्लेख छ ।

सोमबार सकिएको बैठकपछि पार्टी केन्द्रीय कार्यालयका मुख्यसचिव कृष्णप्रसाद पौडेलले जारी गरेको विज्ञप्तिमा ९ विषयमा ध्यानाकर्षण गराइएको उल्लेख छ । ‘नेपालको तत्कालीन राजनीतिक विशेष परिस्थितिमा सरकार गठन सम्बन्धमा भएको नेपाली कांग्रेस र नेकपा (एमाले) बीचको ७ बुँदे सहमतिप्रति प्रतिबद्ध रहँदै सरकारको स्थायित्वका लागि जनभावना अनुसार वर्तमान सरकारले विकास, सुशासन एवं समुन्नतिका लागि थप प्रभावकारिताका साथ काम गर्नु पर्ने कुरामा यो बैठक सरकारको गम्भीर ध्यानाकर्षण गर्दछ’ कांग्रेस बैठकको निर्णयमा लेखिएको छ, ‘यसका साथै समसामयिक जनसरोकारका निम्न विषयहरूमा समेत सरकारको ध्यानाकर्षण गर्दछ ।’