बाँध बनेपछि सङ्कटमा माझी र बोटे समुदायको परम्परागत पेसा

स्याङ्जा । स्याङ्जाको मिर्मीस्थित कालीगण्डकी नदीमा जलविद्युत् आयोजनाको बाँध बनेपछि माझी र बोटे समुदायको परम्परागत पेसा सङ्कटमा परेको छ। बाँधका कारण माछाको आवागमन प्रभावित हुँदा नदीमा माछा घटेको र माछा मारेर जीविकोपार्जन गर्ने समुदायको आम्दानी घटेको हो।

मिर्मीका दिलबहादुर बोटेका अनुसार पहिले माछा प्रशस्त पाइने नदीमा अहिले जाल थाप्दा पनि माछा नपर्ने अवस्था छ। माछा मार्ने पेसा छाडेर स्टिमर चालक बने पनि सडक सञ्जाल विस्तारसँगै जलयात्रामा यात्रु घट्दा त्यो व्यवसायसमेत प्रभावित भएको छ।