पोखरा महानगरद्वारा  ४ सय ९७ विद्यार्थीलाई छात्रवृत्ति प्रदान

पोखरा । पोखरा महानगरपालिकाले उच्च शिक्षा पढ्ने विद्यार्थीलाई छात्रवृत्ति दिएको छ । विभिन्न विषयमा ४ सय ९७ जनालाई ११ कक्षा पढ्न निःशुल्क छात्रवृत्ति दिने निर्णय गरिएको हो ।

शनिबार लिएको परीक्षाबाट विज्ञान विषयतर्फ १ सय ६२ जना, व्यवस्थापनतर्फ २ सय १ जना, होटेल व्यवस्थापनतर्फ ८० जना, कानून, मानविकी र शिक्षातर्फ १४ जना गरी ४ सय ९७ जना विपन्न, गरिब, जनजाति, दलित र जेहनदार छात्रछात्राहरूलाई निःशुल्क छात्रवृत्तिको व्यवस्था गरेको हो ।