हुम्ला–बाजुरा सीमा विवादबारे छानबिन गर्न उच्चस्तरीय टोली गठन

गृह मन्त्रालयले हुम्ला र बाजुरा जिल्लाको सीमा क्षेत्रमा भएको घटनाको सत्यतथ्य छानबिन गर्न प्रहरी वरिष्ठ उपरीक्षकको संयोजकत्वमा छानबिन टोली गठन गरेको छ।

गृह मन्त्रालयका सचिवको संयोजकत्वमा रक्षा सचिवसहित सबै सुरक्षा निकायका प्रमुख तथा प्रतिनिधिहरूको उपस्थितिमा बसेको आकस्मिक बैठकले उक्त निर्णय गरेको हो । मन्त्रालयले टोलीलाई तत्काल घटनास्थलमा खटिन र शीघ्र प्रतिवेदन पेश गर्न निर्देशन दिएको छ।