समस्याग्रस्त सहकारीबाट एक करोड २० लाख ऋण असुली, १४ सय ५२ बचतकर्तालाई ५९ लाख फिर्ता

काठमाडौं- समस्याग्रस्त सहकारी व्यवस्थापन समितिले जेठ महिनामा बचत फिर्ता, ऋण असुली तथा खाता मिलान कार्यलाई तीव्रता दिँदै १ करोड २० लाख ४६ हजार रुपैयाँ ऋण असुली गरेको छ। समितिले सोही अवधिमा ५९ लाख ४ हजार रुपैयाँ साना बचतकर्तालाई फिर्ता गरेको जनाएको छ।

समितिका अनुसार १० हजार रुपैयाँभन्दा कम बचत भएका आठ समस्याग्रस्त सहकारीका १ हजार ४५२ बचतकर्तालाई रकम फिर्ता गरिएको हो। फिर्ता गरिएको रकम मुख्यतः साना बचतकर्तालाई प्राथमिकतामा राखेर वितरण गरिएको जनाइएको छ।