विश्वकप फुटबल: इङ्ल्यान्ड र क्रोएसियाबीचको भिडन्तमा केन र मोड्रिच प्लेयर टु वाच

विश्वकप फुटबलमा बुधबार राति युरोपेली फुटबलका दुई महारथी इङ्ल्यान्ड र क्रोएसियाबीच प्रतिस्पर्धा हुँदैछ। उपाधिको दाबेदार मानिएको थोमस टुचेलको नेतृत्वमा रहेको इङ्ल्यान्डको च्याम्पियन हुने बाटो यहिँबाट सुरु हुनेछ । एटी एन्ड टी रंगशालामा हुने समूह ‘एल’को यो खेल नेपाली समयअनुसार राति १ः४५ बजे हुनेछ ।

इङ्ल्यान्डको पछिल्लो विश्वकप उपलब्धि सन् १९६६ मा आएको होइन । उमेर समूहमा यु–१७ र यु–२० टोलीले सन् २०१७ मा विश्वकप उपाधि उचालेको थियो । तर, सिनियरतर्फ टोलीले उपाधिका लागि संघर्ष गरिरहनु परेको छ । विश्व फुटबलको इतिहासमा इङ्ल्यान्ड ६० वर्षयता उपाधिविहीन छ।