एयर इन्डिया दुर्घटनाको एक वर्ष, सुल्झिएनन् यी छ प्रश्नको रहस्य

पश्चिमी भारतीय सहर अहमदाबादबाट उडान भरेको केही क्षणमै एयर इन्डिया फ्लाइट १७१ लन्डनका लागि जाँदै गर्दा एक मेडिकल कलेजको परिसरमा खसेर २६० जनाको ज्यान गएको एक वर्ष बितिसकेको छ । तर अनुसन्धानकर्ताहरू अझै पनि विश्वका सबैभन्दा उत्कृष्ट यात्रुवाहक विमानमध्ये एक आकाशबाट किन खस्यो भन्ने कुरा निश्चित रूपमा भन्न सकिरहेका छैनन् ।

शुक्रबार दुर्घटनाको पहिलो वार्षिकोत्सवमा भारतको विमान दुर्घटना अनुसन्धान ब्युरो (एएआईबी) ले सार्वजनिक गरेको अद्यावधिक प्रतिवेदनले पनि धेरै नयाँ कुरा खोतलेको छैन । प्रतिवेदनमा उडान रेकर्डरको डाटा, विमान प्रणाली, इन्जिनका पुर्जा, मर्मतसम्भार अभिलेख र मानवीय पक्षहरूको विश्लेषण अझै जारी रहेको मात्र उल्लेख गरिएको छ ।