डीपसिकसहित सयभन्दा बढी चिनियाँ कम्पनीलाई कालोसूचीमा राख्न अमेरिकाको ढिलाइ

वासिङ्टन डिसी । संयुक्त राज्य अमेरिकाले राष्ट्रिय सुरक्षाका लागि जोखिमपूर्ण मानिएका चीनको चर्चित एआई स्टार्टअप ‘डीपसिक’ मेमोरी चिप निर्माता ‘सिएक्सएमटी’ र अन्य १०० भन्दा बढी कम्पनीहरूलाई व्यापारिक कालोसूचीमा थप्ने कार्यलाई तत्कालका लागि रोकेको छ।

यस मामिलाका जानकार दुई स्रोतहरूलाई उद्धृत गर्दै समाचार एजेन्सी रोयटर्सले जनाएअनुसार, बेइजिङसँगको व्यापारिक र राजनीतिक तनाव थप नबढोस् भन्ने उद्देश्यले ट्रम्प प्रशासनले यो कदम चालेको हो। अन्तर-निकाय समितिले गत वर्ष नै यी कम्पनीहरूलाई वाणिज्य मन्त्रालयको ‘एन्टिटी लिस्ट’ मा थप्न स्वीकृति दिइसकेको भए पनि अमेरिकाले अहिलेसम्म उक्त सूची साजनिक गरेको छैन।