सञ्चिता उगलेको मृत्यु प्रकरणमा नयाँ खुलासा, नजिककी साथीले लगाइन् मानसिक प्रताडनाको आरोप

मुम्बई- धारावाहिक ‘कुमकुम भाग्य’ बाट चर्चित बनेकी अभिनेत्री सञ्चिता उगलेको आकस्मिक निधनले टेलिभिजन उद्योग तथा उनका प्रशंसकहरूलाई स्तब्ध बनाएको छ ।

गत आइतवार मुम्बई नजिकैको नाला सोपारास्थित आफ्नै फ्ल्याटमा उनले कथित रूपमा आत्महत्या गरेकी थिइन् । घटनाको अनुसन्धान जारी रहेकै बेला सञ्चिताकी नजिककी साथी तथा टिभी अभिनेत्री इन्द्राक्षी काञ्जीलालले केही गम्भीर दावी गरेकी छिन् । उनका अनुसार सञ्चिता पछिल्लो समय निकै कठिन मानसिक अवस्थाबाट गुज्रिरहेकी थिइन् ।