इस्लामिक विद्रोहीहरु दमास्कस घुस्दै, आफु राजधानी छोडेर नभागेको राष्ट्रपति असदको प्रतिक्रिया

काठमाडौं । सिरियाली इस्लामिक विद्रोही संगठनले राजधानी दमास्कस नजिकै पुगिसकेको घोषणा गर्नासाथ दक्षिण पश्चिम मेजेहका कयौं नागरिकहरुले शहर छोडेका छन् । शासन कब्जा गर्ने भन्दै विद्रोही संगठनले चौतर्फी घेरा हालेसँगै आम नागरिकले शहर छोडेका अन्तर्राष्ट्रिय सञ्चारमाध्यमले जनाएका छन् ।

सिरियामा रहेका अमरिकी अधिकारीहरु बशर अल असदको शासन केही दिनमै ढल्ने आँकलन गर्न थालिसकेका छन् । विद्रोहीको घेराबन्दीमा परेका राष्ट्रपति असद दमास्कस छोडेर भागेको अड्कल समेत गर्न थालिएको छ । तर, राष्ट्रपति असदले आफुले राजधानी नछोडेको प्रतिक्रिया दिएको सीएनएनले उल्लेख गरेको छ ।