ओल्ड ट्राफोर्डमा ३० वर्षपछि नटिङघमको पहिलो जित, म्यान्चेस्टर युनाइटेड स्तब्ध

काठमाडौं । इंग्लिश प्रिमियर लिगमा म्यान्चेस्टर युनाइटेडको रक्षात्मक गल्तीको फाइदा उठाउँदै नटिङघम फरेस्टले ओल्ड ट्राफोर्डमा ३० वर्षपछि पहिलो पटक जितको सफलता हासिल गरेको छ ।

म्यान्चेस्टर युनाइटेडले भने सिजनमा लगातार दोस्रो हारको सामना गर्नु परेको छ । म्यान्चेस्टर युनाइडेड म्यानयु घरेलु मैदान ओल्ड ट्राफोर्डमा ३-२ ले हारेको हो । अघिल्लो खेलमा म्यान्चेस्टर सिटीसँग हारेको नटिङघमका लागि निकोला मिलेन्कोभिक, मोर्गन गिब्स ह्वाइट र क्रिस उडले गोल गरे ।