बागमतीबाट बाहिरीए काँग्रैसका ६ मन्त्रीहरु, समर्थन पनि फिर्ता

मकवानपुर । सत्ता समिकरण परिवर्तन भएपछि बागमती प्रदेशका ६ जना मन्त्रीहरुले सामूहिक राजिनामा दिएका छन् । यो सँगै नेपाली काँग्रेसले संसदलाई दिएको विश्वासको मत पनि फिर्ता लिएको जनाएको छ ।

केन्द्रको समीकरण फेरिएसँगै प्रदेश सरकारबाट कांग्रेसका मन्त्रीहरू बाहिरिका हुन् । नेपाली कांग्रेस बागमती प्रदेश संसदीय दलका संसदीय दलका नेता तथा प्रदेशका अर्थमन्त्री बहादुरसिं लामा, उपनेता समेत रहेका प्रदेशको उद्योग वाणिज्य भूमि तथा प्रशासन मन्त्री रामकृष्ण चित्रकार, खानेपानी ऊर्जा तथा सिँचाइ मन्त्री तीर्थ लामा, स्वास्थ्य मन्त्री उत्तम जोशी, वन तथा वातावरण मन्त्री मसिना खड्का, संस्कृति पर्यटन तथा सहकारी मन्त्री पुकर महर्जनले मुख्यमन्त्री समक्ष राजिनामा दिएका हुन् । राजीनामा बुझाउने क्रममा खानेपानी ऊर्जा तथा सिँचाइ मन्त्री तीर्थ लामा भने उपस्थिति भएनन् ।