इच्छाराज तामाङको बदमासीले सिभिल मलमा स्वामित्वको चक्रव्यूह

काठमाडौँ । समस्याग्रस्त सिभिल सेभिङ एन्ड क्रेडिट को–अपरेटिभका तत्कालीन अध्यक्ष इच्छाराज तामाङको अपारदर्शी कार्यशैली र बदमासीका कारण काठमाडौँको मुटु सुन्धारामा रहेको सिभिल मल (सिभिल बिजनेस कम्प्लेक्स प्रा.लि.) को स्वामित्व विवाद अहिले कानुनी र वित्तीय चक्रव्यूहमा फसेको छ ।

१७ लाख कित्ता सेयरको स्वामित्व, अर्बौंको ऋण व्यवस्थापन र बचतकर्ताको निक्षेप फिर्ता गर्ने प्रक्रियाबिच तामाङ र अर्का मुख्य सञ्चालक लालकाजी गुरुङबिचको द्वन्द्वले यो प्रकरणलाई विवादास्पद बनाएको हो । यो विवाद सिभिल मलका सञ्चालक गुरुङ र समस्याग्रस्त सहकारी व्यवस्थापन समितिको कार्यालय हुँदै सरकारी निकाय र अदालतसम्म पुगेर जेलिएको छ ।