मुम्बईलाई हराउँदै राजस्थान रोयल्स प्लेअफमा, एलिमिनेटरमा हैदराबादसँग खेल्ने

मुम्बई । जोफ्रा आर्चरको सनसनीपूर्ण अलराउन्ड प्रदर्शन र बलरहरूको उत्कृष्ट बलिङको मद्दतले राजस्थान रोयल्स आईपीएल २०२६ को प्लेअफमा पुग्ने अन्तिम टोली बनेको छ। आइतबार वानखेडे रङ्गशालामा भएको खेलमा मुम्बई इन्डियन्सलाई ३० रनले पराजित गर्दै राजस्थानले प्लेअफमा आफ्नो स्थान सुरक्षित गरेको हो।

यस जितसँगै राजस्थानको कुल १६ अङ्क पुगेको छ र टोलीले १५ अङ्कका साथ चौथो स्थानमा रहेको पञ्जाब किंग्सलाई पछि पारेको छ। अर्कोतर्फ, मुम्बई इन्डियन्स भने ४ जित र १० हारसहित ८ अङ्क जोडेर तालिकाको नवौँ स्थानमा सीमित भयो। यस जितसँगै राजस्थान रोयल्सले आगामी बुधबार मुल्लानपुरमा सनराइजर्स हैदराबादसँग खेल्ने एलिमिनेटर भिडन्त पक्का गरेको छ।