सिमरा सेज क्षेत्रमा बस्दै आएका ९३ घरपरिवारले बुझाए मन्त्री यादवलाई ज्ञापनपत्र

उद्योग, वाणिज्य तथा आपूर्ती मन्त्री गौरीकुमारी यादवले आज सिमरास्थित विशेष आर्थिक क्षेत्र (सेज)को स्थलगत निरीक्षण गरेकी छन् । सरकारले अतिक्रमित जग्गा खाली गराउने तयारी गरिरहेका बेला मन्त्री यादवले सेज क्षेत्रको निरीक्षण गरेकी हुन् ।

निरीक्षणका क्रममा मन्त्री यादवले जीतपुरसिमरा उपमहानगरपालिका–४, १४ र १५ अन्तर्गत पर्ने सेजको जग्गा तथा त्यहाँ निर्माण गरिएका संरचनाबारे स्थानीय सरकार, प्रशासन र स्थानीयवासीसँग जानकारी लिएकी थिइन् । मन्त्रालयका सचिव कृष्णबहादुर राउत, विशेष आर्थिक क्षेत्र प्राधिकरणका निमित्त कार्यकारी निर्देशक मेघराज शंकरसहितको टोली लिएर सिमरा पुगेकी मन्त्री यादवले सेज क्षेत्रमा बसोबास गर्दै आएका स्थानीयसँग छलफलसमेत गरेकी छन् ।