सुनकोसीमा डुबेर दुई बालकको मृत्यु

सिन्धुली जिल्लाको सुनकोसी गाउँपालिका–५ सित्खामा सुनकोसी नदीमा डुबेर दुई बालकको ज्यान गएको छ।

सुनकोसी गाउँपालिका–४ घर भई हाल सोही गाउँपालिकाको वडा नं ३ बोहोरेटार बस्ने दल बहादुर पुलामी मगरको छोरा वर्ष अन्दाजी ९ को सफल पुलामी मगर र सोही गाउँपालिका–५ बन्दीपुर घर भई हाल वडा नं ३ बोहोरेटार बस्ने सरिता विकको छोरा वर्ष १० को युकेस विकको डुबेर मृत्यु भएको प्रहरीले जनाएको छ।