फेयनूर्डलाई हराउँदै इन्टर मिलान च्याम्पियन्स लिगको क्वार्टरफाइनलमा

काठमाडौं । इटालीको इन्टर मिलान च्याम्पियन्स लिगको क्वार्टरफाइनलमा पुगेको छ । मंगलबार राती भएको दोस्रो लेगको खेलमा इन्टरले नेदरल्याण्ड्सको फेयनूर्डलाई २-१ ले हरायो । यसअघि अवे मैदानमा भएको पहिलो लेगमा समेत इन्टरले २-० को जित निकालेको थियो ।

मंगलबार घरेलु मैदानमा इन्टरलाई जिताउन मार्कस थुरम र हकान चाहानोग्लुले एक-एक गोल गरे । फेयनूर्डका अकुब मोर्डरले एक गोल फर्काए । उनले पहिलो हाफअघि पेनाल्टीमा जवाफी गोल गरेका हुन् ।