बुद्धिचाल महासङ्घको कार्यसमिति विघटन, तदर्थ समितिमा दिपेन राई

काठमाडौँ । नेपाल बुद्धिचाल महासङ्घको कार्यसमिति विघटन गरिएको छ । काठमाडौँमा आइतबार आयोजित साधारण सभाले हेराकाजी महर्जन नेतृत्वको मौजुदा कार्य समिति विघटन गरेको हो ।

अध्यक्ष महर्जन र महासचिव धरम बहादुर लामा विरुद्ध अविश्वासको प्रस्ताव दर्ता भएपछि आयोजित विशेष साधारण सभाले अविश्वासको प्रस्ताव पारित गरेको छ । कार्यसमितिले अविश्वासको प्रस्तावबारे छलफल गर्न हेटौँडामा साधारण सभा आयोजन गर्ने निर्णय गरे पनि बहुमत प्रतिनिधिहरूले काठमाडौँमा साधारण सभा गरेर दिपेन राईको अध्यक्षतामा तदर्थ समिति गठन गरेका छन् ।