देउवाको सन्देशले ओलीलाई राहत, प्रचण्डलाई आहत

काठमाडौँ । सत्तारुढ प्रमुख दल नेपाली कांग्रेसको केन्द्रीय समिति बैठकमा भएको चर्चालाई लिएर वर्तमान सत्ता गठबन्धनको आयु सकिन लागेको हो कि भन्ने आशङ्का बढिरहेको समयमा कांग्रेस सभापति देउवाले तमाम आशङ्कामाथि पूर्णविराम लगाइदिएका छन् ।

केन्द्रीय कार्यसमिति बैठक समापन गर्दै कांग्रेस सभापति देउवाले वर्तमान सत्ता गठबन्धन पूरै समय जाने प्रस्ट पारे । देउवाको उक्त भनाइबाट प्रधानमन्त्री केपी शर्मा ओलीलाई राहत मिलेको छ भने गठबन्धन फेरिनेमा आशावादी रहेको माओवादी केन्द्रलाई आहत पुगेको छ ।