समर्थन मूल्य र बजारमा सरकारको जोड, युवालाई कृषि उद्यमी बनाउन ४० करोड

३ असार, काठमाडौं । कृषि, वन तथा पर्यावरणमन्त्री गिता चौधरीले आगामी आर्थिक वर्षको बजेटमा कृषिको व्यावसायीकरण, युवा स्वरोजगार, कृषि बीमा र बजार पूर्वाधार निर्माणलाई उच्च प्राथमिकतामा राखिएको बताएकी छिन् ।

बुधबार प्रतिनिधिसभा बैठकमा मन्त्री चौधरीले किसानको हित र उत्पादन वृद्धिका लागि सरकारले ल्याएका नयाँ कार्यक्रमबारे सदनलाई जानकारी गराएकी हुन् ।