फिर्के अपडेट : एकैदिन भत्काइयो २० संरचना

पोखरा । फिर्केको खोलाघर क्लियर गर्ने क्रममा आइतबारदेखि डोजर चलाइएको छ । पोखरा महानगरपालिकाले विभिन्न चरणमा छलफल र संवादपछि डोजर चलाउन थालेको हो । आइतबार एकै दिन २० संरचना भत्काइएको मेयर धनराज आचार्यले जानकारी दिए । उनका अनुसार, ८ वटा स्थायी र १२ वटा अस्थायी संरचना भत्काइएको छ ।

फिर्केको खोलाघरमा १ सय ६० संरचना छन् । ती संरचना केही दिनभित्रै भत्काइसक्ने उनले बताए । ‘निरन्तर अभियान चल्छ । अब २ दिनमा फिर्के क्लियर हुन्छ,’ उनले भने । फिर्के खोलाको प्राकृतिक बहाव फर्काउन र मिचिएको जमिन खाली गर्न महानगरले काम सुरु गरेको हो ।