बजेट अभाव र ठेकेदारको ढिलाइले आधारभूत अस्पताल निर्माण कार्य सुस्त

गुणस्तरीय आधारभूत स्वास्थ्य सेवामा नागरिकको पहुँच पुर्‍याउने उद्देश्यले सरकारले स्थानीय तहहरुमा आधारभूत अस्पताल निर्माणको काम सुरु गरेको पाँच वर्ष पुरा हुँदा स्थानीय तहहरुमा अस्पताल निर्माणको काम पुरा हुन सकेको छैन । सरकारले सबै स्थानीय तहमा आधारभूत अस्पताल बनाउने उद्देश्यले आर्थिक वर्ष २०७७÷०७८ मा देशका ३९६ स्थानीय तहमा आधारभूत अस्पताल बनाउने कामको एकै साथ शिलान्यास गरेको थियो ।

सरकारले आ.व. २०७७/०७८ मा स्वास्थ्य तथा जनसङ्ख्या मन्त्रालयले ३९६ वटै स्थानीय तहलाई पत्राचार गर्दै दुई वर्षभित्र भवन निर्माणको काम सम्पन्न गर्ने गरी ठेक्का प्रक्रिया अघि बढाउन निर्देशन दिएको थियो ।