सिरियाली राष्ट्रपति असद परिवारसहित रुसको शरणमा, मस्कोबाटै विद्रोहीसँग वार्ताको प्रयास

काठमाडौं । इस्लामिक विद्रोहीहरुले राजधानी दमास्कस कब्जामा लिएको घोषणा गर्नासाथ सिरियाली राष्ट्रपति बशर अल असद सरण लिन रुसको राजधानी मस्को पुगेका छन् । रुसी सरकारी समाचार एजेन्सीहरुका अनुसार असद सिरियाबाट भाग्नासाथ मस्को आइपुगेको र असदको परिवारलाई शरण दिइएको छ ।

रुसी सरकारी एजेन्सीहरुले भनेका छन्, ‘असद र उनको परिवारलाई मस्कोमा राजनीतिक शरण दिइएको छ ।’ साथै रुसले सिरियाली नागरिकको हित र रुससँगको द्विदेशीय सम्बन्ध विकासका लागि वार्ता जारी राखिनु पर्ने सुझाव दिएको छ ।