लय पक्डिंदै चेल्सी, अवे मैदानमा पनि गोलमाथि गोल

काठमाडौं । इंग्लिश प्रिमियर लिग फुटबलमा चेल्सीले लय पक्डिएको छ । टोटनह्याम हट्स्परको घरेलु मैदानमा ४-३ को संघर्ष जित निकालेको चेल्सी अंक तालिकाको दोस्रो स्थानमा उक्लिएको छ भने शीर्ष स्थानको लिभरपुलसँग अंक दुरी कम गरेको छ । यद्यपि, लिभरपुलले एक खेल कम खेलेको छ ।

प्रिमियर लिगका अन्य खेलमा बर्नमथले इप्सविच टाउनलाई २-१ ले हराउँदा फुलहम र आर्सनलले १-१ को बराबरी गर्दै अंक बाँडे । आर्सनललाई यो बराबरीले निकै धक्का पुगेको छ । एकातिर शीर्षस्थानको लिभरपुलसँग अंक दुरी कम गर्ने अवसर गुम्यो भने अर्कोतर्फ चेल्सीले उछिनेको छ ।