थेगिमको आत्मविश्वास बढाउँदै चुलाचुली, १ र ३ नम्बर वडाले दियो बलियो साथ

इलाम । इलाम उपनिर्वाचन पहिचान पक्षधरको पनि परीक्षा हो । यो कुरा डकेन्द्रसिंह थेगिमलाई भोट माग्दै हिँडेका युवाले बाह्रखरीसँग भनेका थिए । वास्तवमै परीक्षा अहिले १९ जना नै उमेदवारको छ । तर, कोसी नामाकरणपश्चात् पूर्वमा उर्लिएको पहिचानको मुद्दालाई राजनीतिक टेस्ट चुनावले गर्दैछ । किनभने थेगिम पहिचान पक्षधरबाट मुडा चुनाव चिह्नमा स्वतन्त्र उमेदवार हुन् ।

थेगिमलाई जारी मतगणनाको नतिजाअनुसार फाकफोकथुम गाउँपालिकाले साथ दिएन । उनले यहाँको सात वडाबाट मात्र ९६३ मत प्राप्त गरे । उनले स्वयम् आफ्नै वडा फाकफोकथुम ३ बाट ११७ मत पाए । तर, चुलाचुली गाउँपालिकाको गणनामा थेगिमलाई मत राम्रो आएको छ ।