मुख्यसचिव एकनारायण अर्याल आजदेखि अनिवार्य अवकाशमा जाँदै

काठमाडौँ। नेपालको निजामती सेवाको सर्वोच्च ओहोदामा रहेका मुख्यसचिव एकनारायण अर्याल आज देखि अनिवार्य अवकाशमा जाँदै छन्। उनले अवकाश पाएलगत्तै सरकारले सोमबार मात्रै सुमन अर्याललाई नयाँ मुख्यसचिवमा नियुक्त गरेको छ।

विसं २०८१ भदौ १३ गते मुख्यसचिव पदमा नियुक्त भएका अर्यालले आफ्नो कार्यकालमा देशको शासकीय मामिला, विकास व्यवस्थापन र सेवा प्रवाहको क्षेत्रमा महत्वपूर्ण काम भएको दाबी गरेका छन्। प्रधानमन्त्री तथा मन्त्रिपरिषद् कार्यालयले उनको कार्यकालमा नीतिगत एवं कानुनी सुधारको नेतृत्व र सहजीकरणका कारण सार्वजनिक सेवा प्रवाह र विकास निर्माणमा देखिएको ढिलासुस्ती हट्न गई सहजीकरण भएको जनाएको छ।