विद्यालय व्यवस्थापन समिति अध्यक्षसहित दुई जनालाई सफाइ

काठमाडौँ । नवलपरासीको महेन्द्र माध्यमिक विद्यालयको जग्गाबाट सम्झौताभन्दा बढी माटो उत्खनन गरी भ्रष्टाचार गरेको भनी चलाइएको मुद्दामा विशेष अदालतले विद्यालय व्यवस्थापन समिति अध्यक्षसहित दुई जनालाई सफाइ दिएको छ ।

विशेष अदालतका न्यायाधीशहरू नारायणप्रसाद पौडेल, हेमन्त रावल र डिल्लीरत्न श्रेष्ठको इजलासले नवलपरासीको सरावल गाउँपालिका–३ स्थित श्री महेन्द्र माध्यमिक विद्यालय व्यवस्थापन समितिका अध्यक्ष राधाकृष्ण चौधरी र दिनेश यादवलाई भ्रष्टाचारको आरोपबाट सफाइ दिने ठहर गरेको छ । अख्तियारले विद्यालय व्यवस्थापन समितिका अध्यक्ष चौधरी र रामग्राम नगरपालिका-४ का दिनेश यादव विरुद्ध १० लाख ८ हजार बिगो माग गर्दै मुद्दा दायर गरेको थियो ।