पीआर लिएर विदेश बसेका दुई कर्मचारीमाथि कडा कारबाही सिफारिस, सरकारी सेवामै अयोग्य ठहरिने

विदेशमा स्थायी वा अस्थायी आवासीय अनुमति (पीआर) लिएर लामो समयदेखि कार्यालयमा अनुपस्थित रहेका दुई निजामती कर्मचारीमाथि सरकारले कडा कारबाही प्रक्रिया अघि बढाएको छ। संघीय मामिला तथा सामान्य प्रशासन मन्त्रालय ले उनीहरूलाई भविष्यमा सरकारी सेवाका लागि समेत अयोग्य ठहरिने गरी कारबाही गर्न प्रक्रिया अघि बढाएको जनाएको छ।

मन्त्रालयले जारी गरेको सूचनाअनुसार मन्त्रालयअन्तर्गत कार्यरत दुई कम्प्युटर अपरेटर अध्ययन बिदा तथा असाधारण बिदा सकिएपछि पनि कार्यालयमा हाजिर नभई विदेशमै बसोबास गरिरहेको पाइएको हो। प्रारम्भिक छानबिनमा उनीहरूले विदेशी मुलुकको अस्थायी तथा स्थायी आवासीय अनुमति लिएको तथ्यसमेत खुलेको मन्त्रालयले जनाएको छ।