पोखरा र भैरहवा अन्तर्राष्ट्रिय विमानस्थल सञ्चालनलाई सरकारको प्राथमिकता, कूटनीतिक पहल तीव्र

काठमाडौँ –अर्थमन्त्री डा. स्वर्णिम वाग्लेले पोखरा तथा गौतमबुद्ध अन्तर्राष्ट्रिय विमानस्थलको प्रभावकारी सञ्चालनका लागि सरकारले आन्तरिक तयारीसँगै कूटनीतिक तहमा पनि सक्रिय पहल गरिरहेको बताएका छन् ।

नेपाल चेम्बर अफ कमर्सद्वारा आयोजित बजेटसम्बन्धी अन्तरक्रियामा बोल्दै अर्थमन्त्री वाग्लेले दुवै अन्तर्राष्ट्रिय विमानस्थललाई पूर्ण क्षमतामा सञ्चालनमा ल्याउनु सरकारको प्रमुख प्राथमिकतामध्ये एक रहेको बताए ।