२६ वर्षअघि र पछि रसुवा टेक्दा!

दुर्गम ठानिए पनि त्यो सुन्दर रसुवा। अहिले त्यहाँ प्राकृतिक रूपमा ठुलो बज्रपात परेको छ, केही रसुवालीहरूको देहान्त भएको छ भने कतिपयको अवस्था अज्ञात छ। कोही घाइते अवस्थामा भेटिए पनि केहीको अवस्था चिन्ताजनक छ। यो घाउ रसुवाको मात्र नभएर समग्र मुलुककै पीडा हो।

समुद्र सतहबाट ६५८ मिटरको उचाइ रहेको औलो ठाउँदेखि ३९९४ मिटर उचाइ रहेको हिमाली भेगसम्म समेटेको रसुवाको केही भूभागलाई तहसनहस पार्ने गरी आएको भोटेकोसीको बाढी हालसम्मकै ठुलो र कहालीलाग्दो भयो। ‘जहाँ गाह्रो त्यहीँ साह्रो’ भने झैँ दुर्गम जिल्लालाई नै ताकेर उथलपुथल पारिदिएको छ प्रकृतिले यसपालि।