याकारिनोले दिइन् ‘एक्स’को सीईओबाट राजीनामा

काठमाडौं ।एलन मस्कको स्वामित्वमा रहेको सामाजिक सञ्जाल ‘एक्स’ की प्रमुख कार्यकारी अधिकृत (सीईओ) लिन्डा याकारिनोले आफ्नो पदबाट राजीनामा दिएकी छिन्। उनले सन् २०२३ को जुन महिनादेखि यो जिम्मेवारी सम्हालेकी थिइन्।

एक्समा गरिएको पोस्टमार्फत याकारिनोले मस्कप्रति आभार व्यक्त गर्दै भनिन्, ‘अभिव्यक्ति स्वतन्त्रताको संरक्षण, कम्पनीमा आमूल परिवर्तन र एक्सलाई एभ्रिथिङ एप बनाउनको जिम्मेवारी दिएकोमा म एलनप्रति आभारी छु।’