एउटै रुखमा मालदह र दशहरी, महोत्तरीका किसान चकित

महोत्तरी । तराई–मधेस क्षेत्रमा अहिले आँप पाक्ने र बजारमा आउने मुख्य समय चलिरहेको छ। खेतबारी, बगैँचा र घरआँगनमा विभिन्न जातका आँप लटरम्म फलेका छन्। तीमध्ये मालदह र दशहरी जातका आँप स्वाद र गुणस्तरका कारण विशेष लोकप्रिय मानिन्छन्।

यही क्रममा महोत्तरीको भङ्गाहा नगरपालिका–४ रामनगरका किसान रामभगत महतोको घरमा भने अनौठो दृश्य देखिएको छ। उनको आँगनमा रहेको एउटै आँपको रुखमा मालदह र दशहरी दुवै जातका आँप फलिरहेका छन्।