विदेशबाट बाढीपीडितका लागि आउने राहत सामग्रीको हवाई ढुवानी नि:शुल्क

काठमाडौँ । नेपाल वायुसेवा निगमले बाढी तथा प्राकृतिक विपदबाट प्रभावित नागरिकका लागि विदेशबाट पठाइने राहत सामग्रीको हवाई ढुवानी नि:शुल्क गर्ने निर्णय गरेको छ।

निगमले संस्थागत सामाजिक उत्तरदायित्वअन्तर्गत आफ्ना अन्तर्राष्ट्रिय स्टेसनबाट नेपाल पठाइने राहत सामग्रीमा लाग्ने सम्पूर्ण ढुवानी शुल्क एक महिनाका लागि छुट दिने भएको हो।