सरकारको शासन सञ्चालन शैलीले राज्यका मूल्य-मान्यतालाई कमजोर बनायो : पापड

काठमाडौं : सरकारको शासन सञ्चालन शैलीले राज्यका मूल्य-मान्यतालाई कमजोर बनाउँदै गएको भन्दै शान्ति र लोकतन्त्रका लागि पेशागत सञ्जाल (पापड)ले चिन्ता व्यक्त गरेको छ।

नेपाल चिकित्सक संघका अध्यक्ष डा. बद्री रिजाल, नेपाल पत्रकार महासंघका अध्यक्ष निर्मला शर्मा, नेपाल बार एसोसिएसनका अध्यक्ष प्रा.डा. विजयप्रसाद मिश्र, नेपाल प्राध्यापक संघका अध्यक्ष प्रा.डा. रमेशकुमार जोशी, नेपाल शिक्षक महासंघका अध्यक्ष लक्ष्मीकिशोर सुवेदी र नेपाल इन्जिनियर्स एसोसिएसनका अध्यक्ष सुवासचन्द्र बरालले संयुक्त रूपमा विज्ञप्ति जारी गर्दै वर्तमान सरकारको शासन सञ्चालन शैलीप्रति आपत्ति जनाएका हुन्।