कालो मोतीको विश्व रेकर्ड

भैंसीलाई संसारमा कालो मोतीका रूपमा लिन थालिएको छ । मोतीको भन्दा कम मूल्य छैन यिनीहरूको ! संसारमा कालो मोतीका रूपमा चिनिने भैंसीको पनि नयाँनयाँ रेकर्ड कायम भएका छन् । पशु जगतमा यो नौलो कुरा भने होइन । पछिल्लो रेकर्डअनुसार भारतमा एउटा भैंसी ५१ लाखमा खरिद बिक्री गरिएको छ ।

भारतको हरियानामा यो कारोबार भएको हो । यसको नेपाली रुपैयाँ ८१ लाख ६० हजार हुन आउँछ । तर, यो भैंसीको अहिले १ करोडभन्दा बढी मूल्य तोकिएको छ । सरस्वती नाम दिइएको सो भैंसीलाई पछिल्लोपटक भारत लुधियानाको जगराँवमा आयोजित डेरी एन्ड एग्रो प्रदर्शनीमा लगिएको थियो ।