बाढीपीडितका लागि राहत सामग्री ढुवानीमा नेपाल वायुसेवा निगमले एक महिनासम्म शुल्क नलिने

काठमाडौं । नेपाल वायुसेवा निगमले हालैको बाढी तथा प्राकृतिक विपद्बाट प्रभावित नागरिकका लागि विदेशबाट पठाइने राहत सामग्रीको हवाई ढुवानीमा विशेष सहुलियत दिने निर्णय गरेको छ ।

निगमले आफ्नो संस्थागत सामाजिक उत्तरदायित्वअन्तर्गत अन्तर्राष्ट्रिय स्टेसनबाट नेपाल पठाइने राहत सामग्रीको ढुवानीमा लाग्ने सम्पूर्ण शुल्क एक महिनाका लागि पूर्ण रूपमा छुट गर्ने जनाएको छ ।