प्रचण्ड-माधवलाई झलनाथको अल्टिमेटम: तपाईंहरूबाट पार्टी चल्दैन, मार्गप्रशस्त गर्नुस्

नेपाली कम्युनिष्ट पार्टीका नेता झलनाथ खनालले पार्टी संयोजक पुष्पकमल दाहाल ‘प्रचण्ड’ र सह-संयोजक माधवकुमार नेपाललाई नेतृत्वबाट राजीनामा दिई मार्गप्रशस्त गर्न सुझाव दिएका छन्।

पार्टी एकताको सात महिना बितिसक्दा पनि संगठनात्मक काम अघि नबढेको, निर्वाचनमा लज्जास्पद हार व्यहोरेको र वैचारिक विचलन चुलिएको भन्दै खनालले वर्तमान नेतृत्वबाट पार्टी चल्न नसक्ने ठोकुवा गरेका हुन्।