ठमेलको छाया सेन्टर विवाद : फैसला सुनुवाई अब पुस ४ मा

काठमाडौं । ठमेलस्थित कमलपोखरी मासेर ठड्याइएको छायादेवी कम्प्लेक्स (छाया सेन्टर) विवादबारेको निर्णय सुनुवाई सरेको छ । ठमेलस्थित कमल पोखरीको सरकारी जग्गा अतिक्रमण गरिएको दाबीसहित सर्वोच्चमा दायर मुद्दाको बहस सकिएपछि सोमबार फैसला सुनाउनका लागि ‘निसु’को पेसी तोकिएकाृे थियो । अब निर्णय सुनुवाई पुस ४ गतेलाई तोकिएको सर्वोच्च अदालततका सूचना अधिकारी निराजन पाण्डेले रातोपाटीलाई जानकारी दिए ।

न्यायाधीशद्धय शारङ्गा सुवेदी र टेकप्रसाद ढुङ्गानाको इजलासले बहस सकिएसँगै सोमबार फैसला सुनाउने मिति तोकेको थियो । संयुक्त इजलासले कात्तिक १४ गते बहस टुङ्ग्याउँदै बहस नोट पेश गर्न आदेश गरेको थियो । १५ थान मुद्दामा न्यायाधीशद्धय सुवेदी र ढुङ्गानाको इजलासमा कात्तिक ७ गतेदेखि निरन्तर सुनुवाइ सुरु हुँदै कात्तिक १४ गते बहस टुङ्ग्याएको थियो ।