सभामुख अर्यालसँग बंगलादेशका राजदूतको भेट

काठमाडौँ- सभामुख डोलप्रसाद अर्यालसँग नेपालका लागि बंगलादेशका राजदूत मोहम्मद शफिकुर रहमानले शिष्टाचार भेट गरेका छन्। बुधबार सिंहदरबारस्थित अर्यालको कार्यकक्षमा दुवै जनाबीच भेटवार्ता भएको हो।

सभामुख अर्यालले नेपाल–बंगलादेश सम्बन्ध सार्वभौमिक समानता, आपसी सम्मान र विश्वासमा आधारित रहेको उल्लेख गर्दै नेपालले बंगलादेशसँगको सम्बन्धलाई उच्च महत्व दिँदै आएको बताए।